جاري تحميل ... بسام للاخبار

إعلان الرئيسية

اخر الاخبار

إعلان في أعلي التدوينة




ازاي تكتب التوكيل بنفسك في خطوات بسيطه جداً

من المشاريع القوميه التي أطلقتها الدوله المصريه هو مشروع مصر الرقميه عمليات التحول الرقمي كان ولازال كثيييير من المواطنين والموظفين يعانون من التكدس والازدحام داخل الجهات الحكومية الا ان أطلقت الحكومية فيما يسمى بالتحول الرقمي او مصر الرقميه

ومن اهم الخدمات الجماهيريه خدمة التوثيق او الشهر العقارى والتوثيق بشكل عام وتم الاطلاق التجريبي للخدمه بمعنى ان حضرتك هاتدخل على السايت او الموقع وتعمل التوكيل بنفسك وتدفع الفلوس من على الفيزا وتستلم مباشر طيب ازاي نبدأ في الخطوات

قبل أن نتكلم على الخطوات يوجد طريقتين للتعامل مع الخدمه 

الطريقه الأولى وهي خدمة الابليكيش 

الطريقه الثانيه وهي خدمة السايت او الموقع مصر الرقميه 

الطريقه الأولى 

١ _ تنزل الابليكيش من على الموبايل واسم الابليكيش أرغب في عمل توكيل طيب حد هيسال انزله ازاي ومنين تنزله من على جوجل بلاي وهل على كل الموبايلات ممكن ينزل الابليكيش ده لاء للاندرويد فقط وبعد كده هاينزل على الايفون عادي

٢_ بعد ماتنزل الابليكيش تدخل وتحجز ميعاد طيب ازاي احجز ميعاد تفتح الابليكيش وتملي البيانات اول حاجه الرقم القومي للشخص اللي هايعمل التوكيل او العقد وبعد كده تملي كل البيانات وتختار المكتب اللي انت عايزه وتختار الميعاد اللي انت عايزه

٣_ بلاش تروح قبل الميعاد او بعد الميعاد في الميعاد اللي انت حددته فقط لاغير

الطريقه التانيه وهي السايت او الموقع 

وخد بالك دي طريقه مختلفه تماما عن الأولى 

الأولى هاتحجز ميعاد بس 

التانيه انت اللي هاتعمل التوكيل 

١ _ تدخل على الموقع اسم الموقع digital.gov.eg

أو مصر الرقميه اوعي تغلط وتكتب مصر الحكوميه هانزلك شعارها دلوقتي 

طيب ادخل على الموقع ده منين اوفين او ازاي من على اي موبايل او لاب توب او جهاز كمبيوتر وتدخل على جوجل وتكتب اسم الموقع وهايفتح معاك 

٢_ وبعد كده هاتسجل دخول في الموقع هاتلاقي خانه مكتوب فيها إنشاء حساب جديد تدخل وتسجل بياناتك الرقم القومي كامل ورقم المصنع طيب ايه رقم المصنع ده دا الرقم اللي تحت الصوره الشخصيه اللي في بطاقتك عباره عن حرفين كبار وسبعة ارقم تكتبهم زي ماهما واسم الام تكتب الاسم الأول بس مثلا اسمها عزه ابراهيم علي تكتب عزه بس وبعد كده هايطلب منك

٤_ رقم الموبايل بتاعك اللي متسجل باسمك مش رقم حد تاني وبعد كده هتوصلك رساله فيها باسورد رقم سري تدخل الرقم السري في الخانات اللي ظهرت لحضرتك وبكده الف مبروك اتعمل لحضرتك حساب على مصر الرقميه

٥_ بس كده لاء تدخل تشوف انت عايز تعمل ايه بالظبط توكيل واللي عقد بيع لو مش عندك صيغه معينه ومحتاج الصيغه الجاهزه زي توكيل عام قضايا تختارها وبعد كده تكتب بياناتك كامله اللي هو الطرف الأول ولو فيه اكتر من طرف اول يعني لو انتو اتنين بتعملوا توكيل لمحامي مثلا هايظهر لحضرتك إضافة طرف اول اخر تختارها وتكتب الشخص الاخر وبعد كده تكتب بيانات الطرف الثاني المحامي مثلا ويكون معاك صورة بطاقته علشان البيانات هاتدخلها في المربعات وبعد كده هتختار الصيغه اللي انت عايزها من الصيغ الجاهزه وتختار المكتب اللي هاتستلم منه اما التاريخ فمبجرد الدفع بالفيزا بتظهر عند الموثق وبعد كده هايظهر لحضرتك المبلغ اللي انت هاتدفعه عن طريق الفيزا اضغط على كلمة سدد الآن وتختار طريقة الدفع بالفيزا او غيرها

٦_ تدخل بيانات الفيزا ال ١٦ رقم او اكتر المكتوبين على الفيزا والتاريخ الشهر وسنة الانتهاء وتكتب الثلاث أرقام اخر ثلاث أرقام على ظهر الفيزا وتدوس دفع هايجي لحضرتك رقم من البنك الاو تي بي دخله في المربع ودوس اوكيه كده انت دفعت روح الفرع اللي انت اخترته واستلم التوكيل

٧_ طيب العقد بتاع العربيه هاتدخل على كلمة مركباتي في الموقع برده هتلاقي كذا اختيار عقد بيع توكيل بيع توكيل اداره وهكذا مثلا انا هبيع عربيتي هاتدوس على عقد بيع هتلاقي كل العربيات اللي بأسمك ظهرت تختار العربيه اللي انت عايز تبيعها كل البيانات هاتظهر هايطلب منك انك تكمل بياناتك وبعدين تكتب بيانات الطرف التاني اللي انت هاتبيعله وبعدين تمن للبيع اكتب الفين جنيه علشان لو كتبت التمن الحقيقي هايطلب منك الموثق اول ماتروح انك تصدق على العقد في نقابة المحامين وبعدين تكتب عدد السلندرات وبعدين تختار المكتب اللي هاتستلم منه وبعدين تدفع بالفيزا خد بالك تمن العقد على المشتري ههههههههههه ههههههههههه وتروح المكتب بمجرد الدفع تاخد العقد وتمشي

لسه فيه بقيه المقال ياريت لو عجبكم الشرح ماتنسوش تدخلو على الموقع واي استفسار 

رقمي للتواصل واتس 

 ٠١٠٠٥٥١٩٦٢٥ 

تعديل المشاركة
Reactions:
مواضيع قد تهمك × +
هذا هو أحدث مقال.
ليست هناك تعليقات
إرسال تعليق

إعلان أسفل المقال